سياسة الخصوصية
آخر تحديث: 8 نوفمبر 2026
مين إحنا
Ivariqo نظام لإدارة صيانة المصانع. الجهة المسؤولة عن بياناتك: Ivariqo، حدائق أكتوبر، الجيزة، مصر.
البيانات اللي بنجمعها
- بيانات الحساب: الاسم والإيميل لكل مستخدم.
- بيانات المصنع: المصانع والأماكن والمعدات والمخازن وأوامر الشغل والبلاغات، يعني كل اللي إنت أو فريقك بتدخلوه.
- الملفات (Pro بس): الملفات والصور والملاحظات الصوتية اللي بتختار ترفعها.
- بيانات تقنية: عنوان الـ IP ونوع الجهاز ونسخة التطبيق وأوقات الدخول، عشان الأمان وعشان نمنع الإساءة.
بنستخدمها في إيه
عشان نشغّل الخدمة، ونأمّنها، ونحسب الاشتراك، ونبعتلك تنبيهات ورسايل عن حسابك. مش بنبيع بياناتك، ومفيش إعلانات. والموقع ده مفيهوش أدوات تتبع.
الملفات اللي على جهازك
جسر إيفاريكو بيقرا الملفات على جهازك. اللي بيطلع للسيرفر هو البيانات اللي المهندس وافق عليها بس، وفي Pro الملفات اللي بتختار ترفعها.
الذكاء الاصطناعي
مفيش حاجة بتروح للـ AI من غير موافقة مالك المؤسسة. ولما يوافق، النص بيروح لمزوّد AI عن طريق OpenRouter، باختيار المزوّدين اللي مش بيحتفظوا بالبيانات. نص ملفاتك بيتخزن عندنا متشفر.
مين تاني بيشوف البيانات
بنستخدم الخدمات دي بس عشان نشغّل الخدمة:
- Amazon Web Services: السيرفر، في فرانكفورت بألمانيا.
- Cloudflare: الحماية وتخزين الملفات والنسخ الاحتياطية في أوروبا، والموقع.
- Brevo: إرسال الإيميلات.
- Google Firebase: إشعارات الموبايل.
- مزوّد الدفع: بيانات الكارت بتروح له مباشرة، ومش بتوصلنا خالص.
- مزوّد الـ AI عن طريق OpenRouter: بموافقتك بس.
الحماية
كل الاتصال متشفر. كل مؤسسة معزولة عن غيرها في قاعدة البيانات. المالك والمديرين بيدخلوا بخطوتين. وكل ملف بيتفحص من الفيروسات قبل ما يتفتح. وبناخد نسخة احتياطية متشفرة في مكان منفصل.
بنحتفظ بالبيانات لحد إمتى
- طول ما حسابك شغال: بياناتك موجودة.
- لو نزلت من Pro لـ Basic: الملفات بتتقفل فورًا، وبتتمسح بعد 15 يوم. بيانات المصنع بتفضل.
- لو قفلت حسابك: بنمسح البيانات بعد 90 يوم، والنسخ الاحتياطية بتتمسح لوحدها بعد 30 يوم.
- سجل العمليات والفواتير: بنحتفظ بيهم المدة اللي القانون بيطلبها، عشان الأمان والمحاسبة.
حقوقك
مالك المؤسسة يقدر يصدّر بيانات مؤسسته من التطبيق في أي وقت. وكل واحد يقدر يطلب يعدّل بياناته أو يمسحها من على إيميل الدعم، وبنرد خلال 30 يوم. وده حسب قانون حماية البيانات الشخصية المصري رقم 151 لسنة 2020.
الأطفال
الخدمة للشركات. مش لحد أقل من 18 سنة.
لو السياسة اتغيرت
بنبلغك بالإيميل أو في التطبيق قبلها بـ 14 يوم على الأقل.